လေဆာဖြင့် ကျောက်ခြေခဲ့သည့် လူနာတစ်ဦး၏ ရင်တွင်းစကားသံ

မင်္ဂလာပါ အရင်ဆုံး ဦးလေးအကြောင်းလေး မိတ်ဆက်ပေးပါအုံးရှင်။

ဦးလေးနာမည်က ဦးဝင်းရွှေပါ။ အသက်က (၆၁) နှစ်ပါ။ ဧရာဝတီတိုင်း၊ ကျုံပျော်ခရိုင်၊ ကျောင်းကုန်းမြို့ကနေပြီးတော့ လာရောက်ကုသမှု ခံယူခဲ့တာပါ။

OSC ဆေးရုံကို ရွေးချယ်ပြီး လာရောက်ကုသမှု ခံယူခဲ့ပုံလေး ပြောပြပေးပါအုံးရှင်။

အဓိကကတော့ ဒီဆေးရုံမှာ ဦးလေးရဲ့အစ်ကိုက ခဏခဏ ဆေးရုံတက်ဖြစ်တယ်လေ။ ဦးလေးလည်း ဒီကို ရောက်ဖူးတယ်။ ဒီမှာအဆင်ပြေတော့ ဦးလေးလည်း ဒီမှာပဲ လာတက်လိုက်တာ။

ဦးလေးက အရင်ကလည်း ကျောက်တည်ဖူးတယ်။ မြန်မာဆေးတွေသုံးပြီး သက်သာသွားတော့ ဆေးခန်းမပြဖြစ်ဘူး။ အခုတစ်ခေါက်ကျ မြန်မာဆေးသောက်လည်း မသက်သာဘူး။ နည်းနည်းရက်ကြာလာတဲ့အထိ မသက်သာတော့ ဆေးခန်းတစ်ခုမှာ ဓာတ်မှန်ရိုက်ကြည့်လိုက်တာပေါ့။

ဓာတ်မှန်ရိုက်ကြည့်တော့ ကျောက်တည်နေတာ ဟုတ်တယ်ဆိုတာနဲ့ OSC မှာက ဆီးနဲ့ ကျောက်ကပ် ဆရာဝန်ကြီးတွေ ရှိတယ်ဆိုတော့ ဒီကိုပဲ လာခဲ့လိုက်တာ။ ဒီမှာဆေးခန်းပြတော့ ကျောက်တည်နေတာ ခွဲစိတ်ရမယ်ဆိုပြီး ဆီးနဲ့ကျောက်ကပ်အထူးကုဆရာဝန်ကြီး ဒေါက်တာလမင်းဝင်းနဲ့ လွှဲပေးလိုက်တာပေါ့။ ဆရာကြီးနဲ့တော့ ပထမဆုံးအကြိမ် ပြဖူးတာပါ။

ဆရာကြီး နဲ့ ပြသပြီး ခွဲစိတ်ဖို့ ဆုံးဖြတ်ခဲ့ပုံကိုလည်းပြောပြပေးပါအုံးရှင်။

အင်း ကျောက်က မန်ကျည်းစေ့လောက် ဆိုတော့ လေဆာနဲ့ ကျောက်ခြေလို့ရတယ်ဆိုတာရယ်၊ နာကျင်မှုလည်း မရှိဘူးဆိုတာရယ်ဆိုတော့ ကျောက်ခြေဖို့ဆုံးဖြတ်လိုက်ရတာပေါ့။

ခွဲစိတ်ခန်းအတွေ့အကြုံလေး ပြောပြပေးပါအုံးရှင်။

ခွဲမယ်ဆိုတော့ ဆရာဝန်ကြီးက ဘာရောဂါအခံရှိလဲမေးတယ်။ ဆီးချိုရှိတာကို မေ့ပြီး မရှိဘူးလို့ ပြောမိသေးတယ်။ နောက်မှ ဆီးချိုရှိနေတာသိလို့ အထွေထွေရောဂါကုသမားတော်ကြီး ပါမောက္ခဦးသိန်းမြင့်နဲ့ ပြရတယ်။

ခွဲခန်းထဲမှာတော့ ထုံဆေးနဲ့ဆိုတော့ နာကျင်မှုတော့ မရှိပါဘူး။ ကိုယ့်ဘာသာ ဆွဲဆိတ်ကြည့်တာတောင် ဘာမှမခံစားရဘူး။ ဆရာတို့ ကျောက်ကို စက်နဲ့ခြေနေတာကိုလည်း ဦးလေးက လိုက်ကြည့်နေတာ။ ကျောက်ကိုလဲ တီဗီထဲမှာ မြင်ရတယ်။ မန်ကျည်းစေ့လောက်လေးပေါ့။ ခွဲစိတ်ခန်းထဲမှာ (၄၅) မိနစ်လောက်ပဲကြာတယ်။

မခွဲစိတ်ခင်နဲ့ ခွဲစိတ်ပြီးနောက် အခြေအနေလေးကို ပြောပြပေးပါအုံးရှင်။

မခွဲစိတ်ခင်ကတော့ နာကျင်နေတာပေါ့ဗျာ။ ဗိုက်ကလည်း ကျောက်က အရင်က ၈ မီလီမီတာလောက်ရှိတယ်တဲ့။ တော်တော်အောင့်တာ။ ခွဲပြီးတဲ့နောက်တော့ လုံးဝကို သက်သာသွားတော့တာပဲ။

OSC ဆေးရုံ ဝန်ဆောင်မှု နဲ့ပတ်သတ်ပြီး ပြောပြပေးပါအုံးရှင်။

ဝန်ဆောင်မှုကတော့ ကောင်းပါတယ်။ တာဝန်ကျဆရာ၊ ဆရာမလေးတွေကလည်း ဂရုစိုက်တယ်။ သဘောလည်း ကောင်းကြပါတယ်။ တော်လည်းတော်ကြပါတယ်။ လိုအပ်တာတွေကို ပြုပြင်ပြီး ပိုကောင်းအောင် လုပ်နေတာပဲဆိုတော့ ဘာမှပြောစရာမရှိပါဘူး။ အားလုံးပြည့်စုံနေပါပြီ။ ဆရာကြီးတွေကလဲ ပုံမှန်လာလာကြည့်ကြတယ်လေ။

ခွဲစိတ်ပေးတဲ့ ဆရာဝန်ကြီးများကိုလည်း ဘာပြောချင်ပါသေးသလဲရှင်။

ဟုတ်ကဲ့။ ခွဲစိတ်ပေးတဲ့ ဆီးနဲ့ ကျောက်ကပ်အထူးကုဆရာဝန်ကြီး ဒေါက်တာလမင်းဝင်းကိုရော၊ သူနဲ့အတူပါတဲ့ ခွဲခန်းထဲက ဆရာဝန်ကြီးများကိုရော၊ အထွေထွေရောဂါကုသမားတော်ကြီး ပါမောက္ခဦးသိန်းမြင့်ကိုရော အကုန်လုံးကို ကျေးဇူးတင်ပါတယ်။ ပြီးတော့ ခွဲစိတ်ပြီးနောက် အစစအရာရာ အဆင်ပြေအောင် ဂရုတစိုက်လုပ်ဆောင်ပေးတဲ့ တာဝန်ကျ ဆရာဝန်တွေ၊ ဆရာမလေးတွေ အကုန်လုံးကိုလဲ ကျေးဇူးတင်ပါတယ်။ ဟုတ်ကဲ့ပါ ယခုလို မေးမြန်းသမျှကို စိတ်ရှည်စွာဖြင့် ဖြေကြားပေးခဲ့ပြီး OSC ဆေးရုံကို လာရောက်ပြီး ဆေးရုံတက်ရောက်ကုသခဲ့တဲ့ ဦးလေးကိုကျေးဇူးတင်ပါတယ်။ အမြန်ဆုံးသက်သာပြီး ရောဂါဘယကင်းဝေးပြီး ကျန်းမာချမ်းသာစွာ နေနိုင်ပါစေလို့ OSC ဆေးရုံ မိသားစုက ဆုတောင်းပေးပါတယ်ရှင်