လည်ပင်းကျီးပေါင်းနောက်ဆက်တွဲ ခါးနာလာခြင်းကို ကုသမှုခံယူခဲ့သည့် မော်လမြိုင်မြို့မှ ဦးဝင်းနိုင်၏ ရင်တွင်းစကားသံ

ဦးလေးကတော့ မော်လမြိုင်ကလာတာပါ။

နာမည်ကတော့ ဦးဝင်းနိုင် (ခ) ဦးဝင်းတင်ပေါ့။

အသက်ကတော့ (၆၅) နှစ်ပါ။

ဖြစ်တာကတော့ ခါးနာတာပေါ့နော်။ ဖြစ်တာက နှစ်နှစ်ခွဲလောက်ရှိပြီ။ လှုပ်လို့မရဘူး။ သစ်သားပြားကြီးကပ်ထားသလိုမျိုးကြီးဖြစ်နေတာ။ အစကတော့ မော်လမြိုင်မှာပဲ ဆရာဝန်တစ်ယောက်နဲ့ပြနေတာပေါ့။ ဆရာဝန်ကတော့ ခါးကဖြစ်တာမဟုတ်ဘူး၊ အဆစ်ကလေးတစ်ခုက ပြားပြီး အာရုံကြောမှာစိုက်နေတာလို့ ပြောတာပဲ။

ဦးလေးမိတ်ဆွေတစ်ယောက်က ဆရာကြီးဦးသန့်ဇင်နိုင်နဲ့ OSC မှာပြကြည့်ဖို့ အကြံပေးတယ်။ ဆရာကြီးက အရမ်းတော်ကြောင်းပြောတာနဲ့ ပြကြည့်မယ်ဆိုပြီး ဆုံးဖြတ်လိုက်တာပါ။

ဒီကိုမပြခင်မှာ ထိုင်းမှာသွားကုဖို့အတွက် ဆက်သွယ်လိုက်သေးတယ်။ ထိုင်းမှာကျ ပိုက်ဆံတွေအများကြီးကုန်မှာလေ။ အဆင်မပြေဘူး။ OSC မှာပဲ ဆရာကြီးနဲ့ အရင်ဆုံးပြကြည့်လိုက်မယ်ဆိုပြီး တွေးထားတာပေါ့။

ရန်ကုန်ကိုလာတာက ဗုဒ္ဓတက္ကသိုလ်မှာ ဘွဲ့ယူဖို့လာခဲ့တာ။ လာရင်းနဲ့ ဆရာကြီးနဲ့ ဘိုကင်ယူပြီးပြကြည့်တာပေါ့နော်။ ဆရာကြီးက သံလိုက်ဓာတ်မှန်ထောက်ကြည့်လိုက်တဲ့အခါမှာ အတော်လွန်နေပြီ ခွဲထုတ်မှရမယ်လို့ ပြောလို့ ဆေးရုံတက်ပြီးကုသမှုခံယူလိုက်တာပါ။

ဆရာကြီးတွေက ခွဲခန်းထဲမှာရော ခွဲခန်းအပြင်မှာရော တကယ့်ကို ဂရုစိုက်ပေးတာပါ။ အသေးအဖွဲလေးတွေကအစ လူနာကို တကယ့်ကို ဂရုစိုက်တဲ့ဆရာကြီးတွေပါ။ အခုဆို ခါးနာတာက တော်တော်သက်သာသွားပါပြီ။

ခွဲထားတဲ့နေရာက အရှေ့ဘက်လား အနောက်ဘက်လားလို့ မေးယူရတဲ့အထိကို နာကျင်မှုဘာမှမခံစားရတာပါ။ စက်ကိရိယာတွေကလည်း တော်တော်လေး ခေတ်မှီနေပြီကိုး။ ကိုယ်လက်လေ့ကျင့်ခန်းတွေလည်း လာလာလုပ်ပေးကြတယ်။

အဓိကပြောချင်တာကတော့ ခွဲစိတ်ကုသပေးတဲ့ဆရာဝန်ကြီးတွေရဲ့ စိတ်ဓာတ်ခွန်အားပေးတာတွေရယ် ဆေးရုံကတာဝန်ကျဆရာမလေးတွေရဲ့ နွေးထွေးတဲ့စိတ်ထားတွေရယ်ကြောင့် ဦးလေးရဲ့ ဝေဒနာက မခွဲစိတ်ခင်ကတည်းက တဝက်လောက်သက်သာခဲ့ရတယ်။

အခု ခွဲစိတ်ပြီးတော့လည်း ဆရာကြီးက ညဘက်ပါမကျန် ခဏခဏ လာကြည့်ပေးနေကြတာပါ။ လည်ပင်းထားတဲ့ လည်ပင်းကို အင်္ကျီကြယ်သီးတပ်တာကအစ ဆရာကြီးတွေကိုယ်တိုင် တပ်ပေးကြတာ။

တကယ့်ကို စိတ်ချမ်းသာရတယ်။ သန့်ရှင်းရေးဝန်ထမ်းတွေဆိုလည်း အခန်းကို ပုံမှန်လာရှင်းပေးကြတာ။ ဦးလေးကလည်း ဘာသာရေးသမားဆိုတော့ ဆေးရုံမတက်ခင်ကတည်းက ဆရာဝန်ကြီးတွေ၊ ဆေးရုံကဆရာ၊ဆရာမတွေ၊ ဝန်ထမ်းတွေ အားလုံးကို မေတ္တာပို့ပေးနေတာ။

ကိုယ်က မေတ္တာပေးတော့ ကိုယ်လည်း မေတ္တာတွေ၊ စေတနာတွေပြန်ရတာပေါ့။ ဦးလေး ပြောချင်တာကတော့ ဆေးရုံတက်နေစဉ်မှာ ဂရုတစိုက်စောင့်ရှောက်ပေးကြတဲ့ ဆရာ၊ ဆရာမလေးများ၊ ဆေးရုံဝန်ထမ်းများအားလုံးကို ကျေးဇူးအထူးတင်ပါတယ်ခင်ဗျာ။

အထူးသဖြင့် ဦးလေးကို ခွဲစိတ်ကုသပေးခဲ့တဲ့ အရိုးအကြောအထူးကုဆရာဝန်ကြီး ဆရာဦးသန့်ဇင်နိုင်နဲ့ အထွေထွေအထူးကုသမားတော်ကြီးဆရာဦးသိန်းမြင့်တို့ကို တကယ့်ကို ရင်ထဲကနေ လှိုက်လှိုက်လှဲလှဲ ကျေးဇူးတင်မိပါတယ်ခင်ဗျာ။