Our Beloved Customer Feedback

မင်္ဂလာပါခင်ဗျာ

ဦးလေးနာမည်က ဦးဝင်းနိုင်ပါ။

ကျောက်တံတားမြို့၊ မိုးမခကျေးရွာကနေ လာရောက်ကုသမှုခံယူခဲ့တာပါ။

ဦးလေးရဲ့ တူမလေးက OSC ဆေးရုံမှာ တော်တော်လေးအဆင်ပြေတယ်၊ ကောင်းတယ် ပြောလို့ ဒီဆေးရုံကို ရွေးချယ်ဖြစ်ခဲ့တာပါ။

စဖြစ်တာကတော့ ပထမဆုံး ၂၀၁၉ လောက်မှာ ညာဘက်ဒူးခေါင်းထိခိုက်မိပြီးတော့ ဒူးနာနေခဲ့တာ။

ဆေးခန်းပြတော့ ခဏသက်သာသွားပြီး သုံးနှစ်လောက်အထိ နာလိုက် သက်သာသွားလိုက်နဲ့ ဖြစ်နေတာပေါ့။ နောက်တော့ ဘယ်ဘက်ဒူးပါ နာလာရော။ ဦးလေးတို့ကတော့ ဟိုဘက်ဒူးကနေ ကူးတယ်ထင်တာပေါ့။

ဆရာကြီးဦးသန့်ဇင်နိုင်နဲ့ပြကြည့်တော့မှ ညာဘက်ဒူးကနာတော့ ခန္ဓာကိုယ်တစ်ခုလုံးရဲ့ အလေးချိန်ကို ဘယ်ဘက်ဒူးကပဲ အချိန်အကြာကြီးထိန်းထားခဲ့ရတော့ ဘယ်ဘက်ဒူးပါ ထိခိုက်သွားတာလို့ ဆရာကြီးက ပြောတယ်။

ဒူးနှစ်ဖက်စလုံးကို အစားထိုးကုသဖို့ လိုအပ်တယ်လို့ ဆရာဝန်ကြီးက သေချာရှင်းပြတယ်။ ဒူးကို တစ်ဖက်ချင်းခွဲပြီးလုပ်လဲ ရတယ်တဲ့။ နှစ်ဖက်စလုံး တပြိုင်နက်ထဲလုပ်တော့ ကုန်ကျစရိတ် ပိုသက်သာတာပေါ့။ အာ့တာနဲ့ ဒူးနှစ်ဖက်စလုံးကို ခွဲစိတ်ဖို့ ဆုံးဖြတ်လိုက်တာပါ။

ခွဲစိတ်တုန်းက နည်းနည်းတော့ကြောက်တာပေါ့။ ထုံဆေးနဲ့ဆိုတော့ ခြေထောက်ကိုကိုင်ပြီး ဆရာကြီးတွေ လုပ်နေတာတွေကို အကုန်မြင်နေရတယ်။

မြင်နေရပေမဲ့ ကိုယ့်ခြေထောက်လို့ကို မခံစားမိဘူး။ ထုံဆေးကောင်းလို့ပဲထင်ပါတယ်။ နာတာကျင်တာမရှိဘူးလေ။ ဆရာဝန်ကြီးတွေက တကယ့်ကို တော်ပါတယ်။

အာ့နေ့က ညနေ ၅ နာရီ ၁၀ မိနစ်မှာ စပြီးတော့ ခွဲခန်းဝင်လိုက်တာ။ ဒူးနှစ်ဖက်စလုံးဆိုတော့ ၂ နာရီလောက်တော့ ကြာတယ်။ နောက်ရက်ကျတော့ စပြီးတော့ လမ်းလျှောက်နိုင်တယ်။ ခွဲစိတ်ပေးတဲ့ ဆရာဝန်ကြီးတွေနဲ့ ဆရာ/ဆရာမလေးတွေ ကျေးဇူးကြောင့်ပေါ့။

တူမလေးက ညွှန်ပေးလို့ OSC ဆေးရုံကိုပဲ တန်းရွေးချယ်ခဲ့တာ။ သူညွှန်းထားသလိုပါပဲ။ ဆေးရုံက တကယ့်ကို ကောင်းပါတယ်။ အစစအရာရာ အကုန်အဆင်ပြေခဲ့တယ်။

ဆရာဝန်ကြီးတွေကလဲ ဂရုစိုက်ပြီး သေချာရှင်းပြဆွေးနွေးပေးတယ်။ ဆေးရုံက တာဝန်ကျဆရာ/ဆရာမလေးတွေက နေ့တိုင်း သေချာဂရုစိုက်ပေးကြတယ်။

သန့်ရှင်းရေးအစ်မကြီးတွေဆို တစ်ရက်ကို သုံးခေါက်လောက် လာသန့်ရှင်းရေး လုပ်ပေးနေလို့ အားတောင်အားနာမိတယ်။

ဒီလိုဆေးရုံတွေ ဦးလေးတို့ မြန်မာနိုင်ငံမှာ ရှိနေပြီဆိုတော့ နိုင်ငံရပ်ခြားထိ ဆေးသွားကုစရာမလိုတော့ဘူးလေ။

ဒါကောင်းတဲ့အချက်ပါပဲ။ နောက်လည်း ဒီထက်အများကြီး တိုးတက်ကောင်းမွန်ပြီး အောင်မြင်တဲ့ဆေးရုံတစ်ခုဖြစ်လာပါစေလို့ပဲ ဦးလေးကတော့ ဆုတောင်းပေးပါတယ်။