ဆေးရုံတက်ရတာနဲ့မတူဘဲ မိသားစုလို နွေးထွေးမှုကို ခံစားခဲ့ရလို့ OSC ဆေးရုံကို သဘောကျတာပါဆိုတဲ့ Child Ward တွင် ဆေးကုသမှုခံယူခဲ့သည့် ကလေးငယ်တစ်ဦး၏ မိခင်

လူနာအမည် – မရွှန်းလဲ့မေအောင်

လိပ်စာ – တောင်ဒဂုံမြို့နယ်

ရောဂါအမည် – Febrile Convulsion

(အဖျားကြီး၍တက်သည့်ရောဂါ)

ကျွန်မတို့က တောင်ဒဂုံမှာနေတာပါ။ ကလေးက တစ်နာရီလောက်မှာစဖျားတာ။ စဖျားတော့ ကလေးဆေးရုံကို လိုက်ရှာရတာပေါ့။

အစက ကလေးက ဖျားရုံပဲဖျားတာဆိုတော့ အနီးနားကဆေးရုံမှာပဲ ဆေးခန်းပြပြီးတော့ အိမ်ပြန်လာတာ။ ဒါပေမဲ့ အိမ်ပြန်ရောက်ပြီး သိပ်မကြာခင် ကလေးက အဖျားကြီးပြီးတက်သွားတော့ ဆေးရုံတင်ဖို့ လုပ်ရတယ်။

တခြားဆေးရုံတစ်ခုမှာ အရင်တက်လိုက်ရတယ်။

အဆင်မပြေတာနဲ့ ပြောင်းဖို့ ဆေးရုံရှာရင်းနဲ့ အသိ ဆရာဝန်တစ်ယောက်က OSC မှာ (၂၄) နာရီ ကလေးကုသဆောင်ရှိတယ်ပြောတာနဲ့ ဒီဆေးရုံကို တက်ဖြစ်သွားခဲ့တာပါ။

အဆင်ပြေတာထက်ကိုပိုပါတယ်။ တာဝန်ကျဆရာ၊ဆရာမတွေက အစစအရာရာလည်း ကလေးကို ဂရုစိုက်ပေးကြတယ်။ သန့်ရှင်းရေးကအစ အကုန်လုံးအဆင်ပြေတယ်။

အဓိကကတော့ Deposit တင်ရတဲ့ ပမာဏကလည်း အရင်ဆေးရုံလို အများကြီးမတင်ရဘူးလေ။ နှစ်ယောက်ခန်းယူတာတောင် အခန်းခက သိပ်မများလို့ အဆင်ပြေတယ်။

ပြီးတော့ Child Ward မှာ ဆေးရုံတက်ရတာကလေ ဆေးရုံတက်ရသလိုမခံစားရဘူး။ နွေးနွေးထွေးထွေး ဆက်ဆံပေးကြတော့ မိသားစုတွေ ဝိုင်းဝန်းစောင့်ရှောက်နေကြသလို ခံစားရလို့ အရမ်းသဘောကျတယ်။

အရင်ကတော့ ကလေးတစ်ခုခုဖြစ်ရင် နီးစပ်ရာဆေးရုံကို ပြေးရတာ။ အခုတော့ ဒီမှာ Child Ward ရှိပြီး အဆင်လဲပြေခဲ့တော့ နောက်ဆိုရင် OSC ဆေးရုံကိုပဲ တန်းလာဖြစ်မှာပါ။ ကလေးအထူးကုဆရာဝန်ကြီးတွေလည်း အများကြီးရှိတော့ တော်တော်လေးကို အဆင်ပြေပါတယ်။