တင်ပါးဆုံရိုးအစားထိုးကုသမှုခံယူခဲ့သည့် လူနာတစ်ဦး၏ ရင်တွင်းစကားသံ (Total Hip Replacement)

မင်္ဂလာပါရှင်။ ကျွန်မနာမည်ကတော့ မနှင်းမိုးသဇင်ပါ။ မြိတ်မြို့၊ ပထော်ကျေးရွာကနေ လာရောက်ကုသမှုခံယူခဲ့တာပါ။

ငယ်ငယ်တုန်းက စက်ဘီးမှောက်ပြီးကတည်းက တင်ပါးကို ထိခိုက်မိသွားတာပါ။ အာ့တုန်းကတော့ နာလိုက်ပျောက်လိုက်နဲ့ ဖြစ်နေတာပေါ့။

လွန်ခဲ့တဲ့ တစ်နှစ်လောက်မှာ ဘယ်ဘက်တင်ပါးက တော်တော်နာလာတယ်။ လှေကားအတက်အဆင်းလုပ်တဲ့အခါတွေ၊ အကွေးအဆန့်လုပ်တဲ့အခါတွေ လုံးဝမလုပ်နိုင်တော့ဘူး။

အာ့တာနဲ့ ဆေးခန်းပြကြည့်လိုက်တော့ ရန်ကုန်မှာသွားကုမှရတော့မယ်လို့ ပြောကြလို့ ကားစီးဖို့လည်းအဆင်မပြေတာနဲ့ မြိတ်ကနေ ရန်ကုန်ကို လေယာဉ်နဲ့လာရတာ။

ခရီးအသွားအလာတွေကတော့ နည်းနည်းခက်ခဲတာပေါ့။ တည်းတာကတော့ ထားဝယ်ကျောင်းတိုက်မှာတည်းပါတယ်။ အာ့ကျောင်းက ဘုန်းဘုန်းကပဲ OSC ဆေးရုံကို ညွှန်းပေးလို့ လာတက်ဖြစ်တာပါ။ အာ့ကျောင်းတိုက်မှာလည်း ညီမလိုပဲ တင်ပါးဆုံရိုးအစားထိုးကုသထားတဲ့ လူနာတစ်ယောက်ရှိတယ်လေ။

အခုတော့ သူကတော်တော်လေး သက်သာနေပြီ။ အာ့လိုအရှေ့က ကုထားဖူးတဲ့လူနာပြန်ကောင်းနေတာလေးတွေ့ရတော့ ဆေးကုဖို့ကို ပိုအားတက်တာပေါ့။

ဘုန်းဘုန်းကလဲ ဒီဆေးရုံမှာ အဆင်ပြေကြောင်း ညွှန်းနေတာနဲ့ ဒီဆေးရုံကို ရွေးချယ်ဖြစ်ခဲ့တာပါ။ အရိုးအကြောအထူးကုဆရာဝန်ကြီး ပါမောက္ခဦးသန့်ဇင်နိုင်နဲ့ပြပြီး အာ့နေ့မှာပဲ ခွဲခန်းဝင်လိုက်တာ။

ခွဲစိတ်တာကတော့ သုံးနာရီလောက်တော့ ကြာမယ်ထင်တယ်။ ဆရာကြီးကလည်း တကယ်ကိုစိတ်ရှည်ပြီး တော်ပါတယ်။ ဒီမှာ ဆေးရုံတက်ရတာလည်း တော်တော်လေး အဆင်ပြေပါတယ်။

ဆရာ၊ ဆရာမလေးတွေကလည်း စိတ်ရှည်ကြတယ်။ အရိုးအကြောအဆစ်တွေနဲ့ ပတ်သက်ပြီးလည်း ဆရာမတစ်ယောက်က လာပြီးတော့ လေ့ကျင့်ပေးတယ်။

ဘုန်းဘုန်းညွှန်းထားသလိုပဲ တကယ့်ကို ကောင်းတဲ့ဆေးရုံပါ။

အခုလိုမျိုးကုသပေးတဲ့ ဆေးရုံကိုရော၊ ဆရာ၊ဆရာမကြီးတွေရော၊ ဆေးရုံဝန်ထမ်းအားလုံးကိုရော ကျေးဇူးတင်ပါတယ်။